Para sa karaniwang mamamayan, kontrabida ang mga Jeepney Operator sa kanilang hinihinging dagdag pasahe. Lagi na lang daw bang mga pasahero ang babalikat ng parusang dulot ng patuloy na pagtaas ng pasahe.
Ang suliranin ng Pilipinas ay aking inihahalintulad sa pasahe na isa sa mga problema ng mga Pilipino. At masasabi kong sa maliit na bagay nagsisimula ng malaking suliranin, sapagkat ang pagtaas ng pasahe ay nagdudulot rin ng pagtaas ng bilihin. At sa oras na tumaas ang bilihin maaapektohan nito ang budget ng mga ordinaryong mamamayan at ang bawat isa ay mahihirapan nang matustusan ang pangangailangan ng kaniyang pamilya kaya naman hihingi sila ng dagdag sweldo. Sa maikling paliwanag, ang maliit na suliranin tulad ng dagdag pasahe ay dapat nang solusyunansapagkat maaari itong magdulot ng malaking suliranin tulad ng kahirapan at kaguluhan. Masasabi nating kahit papaano ay ipinaglaban natin ang ating karapatan o opinyon patungkol sa patuloy na pagtaas ng pasahe. Pero hindi nagtagal, nakalimutan na natin ang ating ipinaglalaban at sumunod na lamang sa gusto ng mga Jeepney Operator. Hindi ba nila naisip na para saan pa ang ginawa nilang pakikipaglaban kung sa bandang huli ay kanila rin itong lilimutin. Yan ang mali nating mga Pilipino hindi natin pinapaglaban ang ating bansa ng may buong puso at tapang. Puro sa simula lang tayo lumalaban pero sa bandang huli basta na lang pababayaan.
Isa rin ito sa mga dahilan kung bakit hanggang ngayon ay hindi parin nakaaahon ang Pilipinas sa mga suliranin nito. Sapagkat maraming Pilipino ang nagbubulagbulagan sa mga nakikita niyang nangyayari sa ating bansa. At kahit alam niya ang solusyon at alam niyang may magagawa siya wala parin siyang gagawin at habang-buhay na lamang itatago ang kaniyang nalalaman. Ang bawat Pilipino ay kulang sa paninindigan, lakas ng loob at tapang. Ang tunay na Pilipino ay hindi nagpapatalo at humaharap sa hamon ng buhay. May magagawa ka pinoy!
*celine*
No comments:
Post a Comment