Tuesday, March 9, 2010

Agrikultura ng Pilipinas


Ang Agrikultura ay produksyon ng pagkain. May tatlong pamamaraan ng Agrikultura at ito ay ang pagtatanim, pangingisda at pag-aalaga ng ng hayop.
Ang Pilipinas ay mayaman sa likas na yaman at isa dito ang Agrikultura. Ang regalo ng maykapal sa ating bansa ay dapat panglagaan at ingatan. Dahil ito ang susi ng kinabukasan. Mataba at malusog ang lupa ng Pilipinas kaya hindi nakapagtataka na mayaman tayo sa agrikultura.
Noong unang panahon, agrikultura ang dahilan kaya nasakop ng iba’t ibang bansa ang pilipinas tulad ng Espanya. Sinakop tayo ng Espanya dahil sa ating mga pananim gaya ng mga sangkap na pampaanghang tulad ng sili at sibuyas. Noon pa lamang ay marami nang nakatuklas na ang Pilipinas ay mayaman sa agrikultura dahil ang mga Pilipino noon ay maalaga at mapagmahal sa agrikultura. Kung ating ikukumpara ngayon masasabi nating ang mga Pilipino ngayon ay makasarili, dahil wala silang ginawa kundi mangarap na yumaman o magkatrabaho ng walang kahirap-hirap ngunit kumikita ng malaki. Wala nang nagnanais na mag-alaga sa ating kalikasan o agrikultura, dahil halos lahat ng mga Pilipino ay walang pinangarap kundi kumita ng malaki.

Ang agrikultura ng Pilipinas ay napabayaan na, isang halimbawa ang Rice Terraces. Ang mga katutubong igorot ay naghirap upang mabuo ang napakagandang rice terraces. PInagmamalaki natin sila dahil yoon ang kauna-unahang hagdan-hagdang palayan sa buong mundo, kaya isa ito sa mga dapat nating pangalagaan. Ngunit anong ginawa ng mga kasalukuyang igorot sa rice terraces. Pinabayaan na nila ang hagdan-hagdang palayan na dapat nilang alagaan dahil ninuno nila ang gumawa nito. Inakala nila na mababa ang estado ng pagtatanim, dahil hindi nila alam na pinaghirapan yon ng mga ninuno nila. Kaya tingnan mo ngayon ang pinagmamalaki nating rice terraces at kayo na humusga kung anong ginawa nila.
Isa pang halimbawa ang pagkainggit natin sa Amerika. Naiinggit tayo sa kanila sapagkat sa likod ng walang kahirap-hirap na trabaho ay napakalaki ng sweldo. Nagawa lang ng Amerika ang lahat ng ito dahil sila ay mayaman sa industriya samantalang tayo ay mayaman sa likas na yaman. Dapat maintindihan ng mga Pilipino na ang bawat bansa ay may natatanging yaman kaya hindi dapat magkainggitan.

*Janine Marcelo*

No comments:

Post a Comment